A Axenda 2030, asinada na Asemblea Xeral de Nacións Unidas en setembro de 2015 por 193 países, representa o compromiso internacional para facer fronte aos retos sociais, económicos e ambiental da globalización a través da consecución de 17 obxectivos de desenvolvemento sustentable (ODS).
O artigo 37.2 d) da Lei Xeral Orzamentaria establece que o Informe de aliñamento dos Orzamentos Xerais do Estado cos Obxectivos de Desenvolvemento Sustentable da Axenda 2030 ha de acompañar ao proxecto de Lei de Orzamentos Xerais do Estado na súa remisión ás Cortes Xerais.
Pola súa banda, a Orde Ministerial HAC/669/2021, do 25 de xuño, pola que se ditan as normas para a elaboración dos Orzamentos Xerais do Estado para 2022, aposta por seguir reforzando a incorporación das análises transversais do Orzamento para o que establece, no artigo 7.8, que os informes, que remitan os departamentos ministeriais analizando a contribución dos programas de gasto aos Obxectivos de Desenvolvemento Sustentable, constituirán a base para a formulación do Informe de aliñamento dos Orzamentos Xerais do Estado cos Obxectivos de Desenvolvemento Sustentable da Axenda 2030.
O actual informe presenta unha análise do aliñamento dos Orzamentos Xerais do Estado para 2022 cos Obxectivos de Desenvolvemento Sustentable da Axenda 2030, así como os seus principais resultados.