2022. urterako Estatuko Aurrekontu Orokorrak egiteko arauak ezartzen dituen ekainaren 25eko HAC/669/2021 Aginduaren 7. artikuluaren 7. atalean honako hau ezartzen da, Haurtzaroan, Nerabezaroan eta Familietan Izandako Eraginaren Txostenari dagokionez:
Horretarako zehazten diren ministerioetako sailek Aurrekontu eta Gastuen Estatu Idazkaritzari gastu-programek haurtzaroan, nerabezaroan eta familietan izaten duten eragina aztertzen duen txostena bidaliko diote, Estatu Idazkaritzak horretarako ezartzen dituen baldintzen arabera.
Txosten horiek Estatuko Aurrekontu Orokorren Legearen aurreproiektuarekin batera aurkeztuko den Haurtzaroan, Nerabezaroan eta Familietan Izandako Eraginaren Txostena egiteko oinarri izango dira, Aurrekontu eta Gastuen Estatu Idazkaritzak idatzitakoa. Hori egiteko, Eskubide Sozialak eta Agenda 2030 Ministerioko, Aurrekontu eta Gastuen Estatu Idazkaritzako, eta Aurrekontuen Zuzendaritza Nagusiko ordezkariek osatutako lantaldea eratuko da.
Txostenean 2022. urterako Estatuko Aurrekontu Orokorren Proiektuaren gastu-programek izaten duten eragina aztertuko da, ministerioetako sailek jakinarazitako informazioa oinarri.